Tarte Tatin - ekki málið!!!!!

Já þetta er hin eina sanna ,,Tarte Tatin"...

Hvernig er hægt að segja á íslensku??? Upside-down- tarte á erlensku... en upp og niður terta??? eitthvað þannig allavega...   Sagan segir að þessi dásamlega ,,tarte" var fyrst gerð upp úr mistökum á hóteli í Frakklandi..  Verið var að búa til pai og eplin gleymdist og suðu of lengi á p0nnunni í sykur leginum.. Reynt var að bjarga málunum með því að smella paidegi yfir eplunum og gera þannig gott úr hlutunum...  Eftir að paidegið var sett yfir eplunum var pannann sett i ofnin smá tíma og voilá!!!!! gestirnir voru yfir sig hrifnir af dásemdinni sem borin var fram og þar var komið ,, Tarte Tatin"...

Það er ekki erfitt að búa þennan glæsilega og gómasæta eftirrétt til. Það sem þarf er;

• Græn epli           4
• sítrónusafi         2 msk
• hvítur sykur      200 gr
• ósaltað smjör   40 gr
• tilbúið smjördeig - nú eða heimagert, hitt er svoo fljótlegt og alveg jafnfínt..;)
• Þeyttur rjómi eða vanilluís til að bera fram með
• Hitið ofnin í 220°
• Afhýðið eplin og skerið hvert epli í fjóra hluti og fjarlægið innvolsið. Skvettið sítrónusafa yfir eplunum ásamt matskeið af sykrinum.
• Skerið smjördeigið í hring og mælið það eftir pönnunni sem þið munuð steikja eplin í . Stingið í það með gaffli.
• Bræðið smjörið í pönnunni og bætið sykrinum út í. Hitið þar til þykk og falleg karamella hefur myndast.
• Raðið eplunum í pönnunni´, í sykrinum þannig að rúnnaða hliðin á eplunum snúi upp. Skerið epli smærra til þess að fylla upp í göt sem myndast á pönnunni.  Sjóðið eplin í karamellunni í u.þ.b 10  mín eða þar til karamellann sýður kröftulega.  Hristið pönnuna af og til, til þess að koma i veg fyrir bruna á karamellunni.
• Komið smjördeginu fyrir ofan á eplunum og smegið degið inn fyrir kantinum hjá eplunum.
• Setjið pönnuna í ofnin og bakið í svona 25 mín eða þar til smjördegið hefur stækkað og er gegn eldað. Það ætti að vera flygsukennt og þurrt. Látið Tarte standa í svona 10 min áður en þið berið það fram með rjóma eða ís.

Verði ykkur að góðu!!!